ესპანური გამოცემების ცნობით, მადრიდის „რეალის“ პრეზიდენტი, ფლორენტინო პერესი და კლუბის გენერალური დირექტორი კარლო ანჩელოტის შეხვდებიან...

განსახილველი საკითხები ფაქტობრივად ცნობილია.

- პირველ რიგში უნდა აღინიშნოს, რომ იტალიელი სპეციალისტი მთავარი მწვრთნელის პოსტს შეინარჩუნებს და ეს გადაწყვეტილება მიღებულია.

- მეორე საკითხი ტრანსფერებს შეეხება. „რეალმა“ ბელინგემის და ფრან გარსიას ტრანსფერები უკვე დახურა, მაგრამ ვრცელდება ინფორმაცია, რომ ამ მოთამაშეების გარდა კოლექტივს კიდევ 2 ფეხბურთელი დაემატება.

- მსჯელობა შედგება გასაშვებ ფეხბურთელებზეც. ლუნინის, მენდის, ოდრიოზოლას და მარიანო დიასის გაშვება გადაწყვეტილია, თუმცა სიას შესაძლოა ნაჩო, სებალიოსი და ასენსიოც შეუერთდნენ.

- კიდევ ერთი საკითხი ახალი კონტრაქტებია. არაოფიციალური ინფორმაციის მიხედვით, სამეფო კლუბი ზაფხულის ბოლომდე ახალ ხელშეკრულებებს გაუფორმებს ბენზემას, მოდრიჩს, კროოსს, ვინისიუსს, როდრიგოს და ედუარდო კამავინგას.

- და ბოლოს, ვრცელდება ინფორმაცია, რომლის მიხედვითაც, ალვარო როდრიგესი პრე სეზონს მთავარ გუნდთან ერთად დაიწყებს და მომდევნო სეზონში არა კასტილიაში, არამედ ანჩელოტის განკარგულებაში იქნება.