მარკო ასენსიომ „ხეტაფესთან“ გამარჯვების შემდეგ ჟურნალისტებთან ისაუბრა...

„გუნდში კროოსისა და მოდრიჩის მნიშვნელობა ძალიან დიდია. ორივე მოთამაშე არნახულად დიდ საქმეს აკეთებს, რაც შედეგებში აისახება.“

„პირველ ტაიმში რიტმი გვაკლდა, მეორე ნახევარში კი სიტუაციის შეცვლა შევძელით და უფრო აგრესიულები გავხდით. გოლის გატანის შემდეგ გუნდს კიდევ უფრო მეტი თავდაჯერება ჰქონდა.“

„გოლის გატანით და გამარჯვებით ძალიან ბედნიერი ვარ. მიხარია, როდესაც გუნდს ვეხმარები.“

„მომავალი? ახლა ამაზე საუბრის დრო არ არის. მთელი „რეალის“ ყურადღება მანჩესტერ „სიტისთან“ დაპირისპირებაზე გვაქვს გადატანილი. როდესაც ჩემი მომავალი გაირკვევა, ამას პირველები თქვენ გაიგებთ.“