ჯუდ ბელინგემის „რეალთან“ დაახლოებასთან ერთად, ორელიან ჩუამენის მიმართ ინტერესი იზრდება...

აქამდე ფრანგი ფეხბურთელის იჯარით აყვანით ლონდონის „არსენალი“ ინტერესდებოდა, ახლა კი ასპარეზზე „მილანიც“ არის გამოსული, რომელიც ასევე აპირებს, რომ სამეფო კლუბს საქმიანი წინადადებით მიმართოს.

„როსონერის“ ჩუამენის კანდიდატურა აინტერესებს და მზად არის, 1 წლიანი საიჯარო შეთანხმების შემთხვევაში მისი მადრიდული ხელფასი 100%-ით დაფაროს.

„მილანი“ ნახევარმცველს მუდმივ სათამაშო დროს პირდება, რაც ორელიანს 2024 წლის ევროპის ჩემპიონატისკენ გზას გაუხსნის.

თავის მხრივ, ნახევარმცველი პოზიციას არ ცვლის და მიიჩნევს, რომ მისთვის საუკეთესო ადგილი სწორედ „რეალია“, სწორედ ამიტომ მისი წასვლა საკმაოდ რთულად წარმოსადგენია.