ვალვერდე:„ჩემპიონთა ლიგა „რეალის“ ტურნირია“
ფედერიკო ვალვერდემ ჟურნალისტებთან ჩემპიონთა ლიგის მნიშვნელობაზე ისაუბრა...
„როდესაც ჩემპიონთა ლიგის ჰიმნი გვესმის, ენერგია გვიორმაგდება და სულ სხვა შემართებით ვთამაშობთ. დიახ, ჩემპიონთა ლიგა მადრიდის „რეალის“ ტურნირია და ჩვენ ვამაყობთ მიღწეული შედეგებით.“
„ეს არის სიზმარი, რომელიც უნდა გაგრძელდეს. მანჩესტერში საუკეთესო ფეხბურთის ჩვენებას და ფინალში გასვლას ვაპირებთ.“
„ტურნირი, რომლის მოგებაზეც ყველა ოცნებობს, სწორედ ჩემპიონთა ლიგაა. ნებისმიერი ფეხბურთელის კარიერას აღნიშნული სარბიელის ოქროს მედალი ამშვენებს. ვამაყობ, რომ ერთხელ უკვე შევძელი ჩემპიონთა ლიგის მოგება.“
„მე-15 თასის მოგება 15 ნომრიანი მაისურით დამატებითი ემოცია იქნება. მე სათამაშო ნომრებს დიდ ყურადღებას არ ვაქცევ, თუმცა ეს სიმბოლური ციფრი იქნება.“
„ვიცით, რომ „ეტიჰადზე“ უდიდესი ბრძოლა გველის, მაგრამ „რეალმა“ პირველ მატჩშიც დაამტკიცა და განმეორებით დაპირისპირებაშიც ყველას აჩვენებს, რომ უმაღლესი კლასის ჩვენება და ფინალში გასვლა შეუძლია.“
„ვაპირებ, რომ წლების მანძილზე ვიდგე სამეფო კლუბის სადარაჯოზე.“
- 12 მაი 2023
- 459
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
