რთული წარმოსადგენი იყო, რომ ვინისიუს ჟუნიორი ამ სეზონშივე მოახერხებდა შარშანდელი საოცარი შედეგის გაუმჯობესებას, მაგრამ ფაქტი სახეზეა...

ბრაზილიელმა ფეხბურთელმა შარშანდელ სეზონში ყველა ტურნირზე 22 გოლი და 20 საგოლე გადაცემა ჩაიწერა აქტივში, ამ სეზონში კი მის ანგარიშზე უკვე 23 გოლი და 22 „ასისტია“.

იმ ფონზე, რომ სამეფო კლუბს ლა ლიგაში კიდევ აქვს სათამაშო და ჩემპიონთა ლიგაზე მინიმუმ 1, ხოლო მაქსიმუმ 2 დაპირისპირებაა ჩასატარებელი, ბრაზილიელს შედეგების კიდევ გაუმჯობესების კარგი შანსი აქვს.

ფაქტია, რომ ბოლო 2 სეზონში ვინიმ 45 გოლის გატანა და 42 საგოლე გადაცემის გაკეთება შეძლო, რაც მის არანორმალურად დიდ პროგრესზე მიგვანიშნებს.