კარიმ ბენზემასთვის მანჩესტერ „სიტისთან“ გამართული დაპირისპირება ჩემპიონთა ლიგაზე 132-ე აღმოჩნდა, რაც რიგითი ნამდვილად არ იყო...

ფრანგმა ფეხბურთელმა ევროსარბიელზე „რეალის“ მაისურით 132-ე მატჩი ჩაატარა და რაულ გონსალეს ბლანკოს შედეგი გაიმეორა.

კარიმი არის ისტორიაში მეორე ფეხბურთელი, რომელსაც ყველაზე მეტი მატჩი აქვს ჩატარებული, ის მხოლოდ იკერ კასილიასს ჩამორჩება, რომელმაც ჩემპიონთა ლიგაზე „რეალის“ ღირსება 152-ჯერ დაიცვა.

კარიმის ანგარიშზე ჩემპიონთა ლიგის ეგიდით გამართულ დაპირისპირებებში 14 სეზონი და 78 გოლია.

„სიტისთან“ განმეორებითი დაპირისპირების შემდეგ წინახაზელი „ელ კაპიტანოს“ მაჩვენებელს გააუმჯობესებს და ახალი ისტორიის წერას დაიწყებს.