ხოსეპ გვარდიოლამ „რეალთან“ მატჩის შემდეგ პრესკონფერენცია გამართა, სადაც მეტოქეზეც ისაუბრა...

„არანაირი ილუზია არ მქონდა იმისა, რომ მადრიდში საუკეთესო შედეგს დავაფიქსირებდით და მეორე მატჩი ფორმალობა იქნებოდა.“

„მე ვფიქრობ, რომ ყველაფერი მანჩესტერში გადაწყდება და მაქსიმალური ყურადღების გამოჩენა გვმართებს.“

„ფეხბურთი იშვიათი ფენომენია. როდესაც უპირატესობას „სიტი“ ფლობდა, გოლი „რეალმა“ გაიტანა, ხოლო როდესაც უპირატესობა ანჩელოტის გუნდმა აიღო ხელთ, ჩვენ შევძელით მეტოქის კარის აღება.“

„სამეფო კლუბის წინააღმდეგ არანაირი დათმობა არ შეიძლება. ყველა წუთს და წამს მნიშვნელობა აქვს, სწორედ ამიტომ წინ დიდი ბრძოლა გველის.“

„კროოსი არანორმალურად ძლიერი ფეხბურთელია, ის შეტევებს საოცრად აორგანიზებს.“

„მატჩის შემდეგ ანჩელოტის ვუთხარი, რომ მისი გუნდი ჩემპიონთა ლიგაზე ყველაზე რთულად დასამარცხებელი კოლექტივის სტატუსს კვლავ ინარჩუნებს.“

„ჰოლანდი? ის ინერტული არ იყო, ის ყურადღებას იქცევდა და სხვა მოთამაშეს მეტ სივრცეს უთავისუფლებდა.“

„ბედნიერი ვარ დე ბრუინის გამო, მას საოცარი გოლი გამოუვიდა.“