ესპანური გამოცემების ცნობით, ლუკა მოდრიჩსა და მადრიდის „რეალის“ გენერალურ დირექტორს შორის შეხვედრა შედგა...

ეს შეხვედრა ფლორენტინო პერესის დავალებით გაიმართა. ცნობილია, რომ ცოტა ხნის წინ, ლუკიტამ პრეზიდენტს პირადად უთხრა, რომ გუნდის დატოვება არ სურს და საუდის არაბეთში კარიერის გაგრძელება მის გეგმებში არ შედის, თავის მხრივ, პერესი ოქროს ბურთის 2018 წლის გამარჯვებულს დაპირდა, რომ მადრიდში დატოვებდა.

მადრიდული გამოცემების ცნობით, გენერალურ დირექტორთან შეხვედრის დროს ახალი კონტრაქტის დეტალები იქნა განხილული.

მოდრიჩი „ბლანკოსში“ რჩება, სიტყვიერი შეთანხმება უკვე არსებობს, გავლილია პირობებიც, რაც იმას ნიშნავს, რომ უახლოეს მომავალში ნახევარმცველი კონტრაქტს ოფიციალურად მოაწერს ხელს.