გუნდში მხოლოდ 2 ფეხბურთელია, რომლებიც 30 წელს არიან გადაცილებულები...

მესუთ ოზილის პრეზენტაციაზე ხორხე ვალდანომ განაცხადა, რომ "რეალი" წელს ფეხბურთელებს აღარ იყიდის. ახლა გუნდმა ფეხბურთელების გაშვებაზე უნდა იფიქროს. სავარაუდოდ გუნდს 3 ან 4 ფეხბურთელი დატოვებს.

გასულ წელს გუნდში შედარებით ხნიერი ფეხბურთელები იყვნენ, მაგრამ გუნდი დატოვეს რაულმა, გუტიმ და ნისტერლოიმ. ახალი შენაძენი ფეხბურთელები კი ძალიან ახალგაზრდები არიან. ოზილი 21, კანალესი 19, პედრო ლეონი 23, დი მარია 22, ხედირა 23.

გასულ წელს გუნდში 4 ფეხბურთელი იყო, რომლებიც 30 წელს იყვნენ გადაცილებულები, წელს კი ასეთი მხოლოდ კარვალიო და დუდეკი დარჩა.

გასულ წელს გუნდის ყველაზე ახალგაზრდა ფეხბურთელი მარსელო იყო, წელს კი სერხიო კანალესია. სერხიო მხოლოდ 19 წლის არის და მაღალი დონის ფეხბურთელია, ასე რომ "მადრიდისტები" ესპანელ ახალგაზრდაზე დიდ იმედებს ამყარებენ.