ესპანური გამოცემები იუწყებიან, რომ „ბარსელონა“ ლეო მესის დაბრუნებასთან ახლოს არის, კილიან მბაპეს კი „რეალში“ თამაში სურს და ეს ტრანსფერი ზაფხულში უნდა შედგეს...

მბაპე პარიზში 2024 წლამდე დარჩენას არ აპირებს და ამის დამტკიცებას „რეალისთვის“ ქმედითი ნაბიჯებით შეეცდება. ვრცელდება ინფორმაცია, რომლის მიხედვითაც, კილიანი მალე პარიზელთა ხელმძღვანელობას შეხვდება.

რაც შეეხება მესის, ამ ეტაპზე „ბარსელონას“ არგენტინელის დამატებისთვის შესაბამისი რესურსი არ აქვს, მაგრამ სახელფასო პრობლემების მოგვარების მიზნით არაერთ აქტივობას ახორციელებს.