კარლო ანჩელოტიმ „სელტასთან“ გამარჯვების შემდეგ პრესკონფერენცია გამართა...

„გუნდი ძლიერია, როგორც ფიზიკურ, ასევე გონებრივ დონეზე. ნებისმიერი თერთმეტეული, რომელიც თამაშს იწყებს ანგარიშგასაწევი ძალაა. ძალიან მიხარია, რომ აქტივში მორიგი 3 ქულა ჩავიწერეთ.“

„ნაჩო უნივერსალია, რაც გუნდისთვის უფრო საჭირო ფიგურად აყალიბებს. მას შეუძლია, როგორც დაცვის ცენტრში, ასევე მარჯვენა და მარცხენა ფლანგზე ასპარეზობა.“

„კარიმის ბომბარდირობა? არამგონია, ბენზემასთვის ეს ყველაზე მნიშვნელოვანი კომპონენტი იყოს.“

„კამავინგას განსაკუთრებული მახასიათებლები აქვს. ის ბრწყინვალეა დაცვის ფლანგზე, ასევე ცენტრალური ნახევარმცველის მოვალეობის შესრულებისას. ეს არის გენიალური მოთამაშე, რომელსაც უდიდესი მომავალი აქვს.“

„ჰოლანდისა და ვინისიუსის დაპირისპირება ნახევარფინალში? ორივე დიდებული მოთამაშეა და მალე დადგება დრო, როდესაც ოქროს ბურთისთვის იბრძოლებენ, თუმცა ეს არა ინდივიდების, არამედ გუნდების შერკინება იქნება. მე არჩევანს ვერ გავაკეთებ, ორივე ძალიან ძლიერ მხარეებს ფლობს.“

„გუნდს ენერგია ნამდვილად აქვს. გვყავს ჩუამენი, კამამავინგა, ვალვერდე, როდრიგო და ვინისიუსი, ისინი ნებისმიერ თამაშს დიდ ტემპს სძენენ.“

„აპრილის თვეში გუნდმა ძალიან ბევრი გოლის გატანა შეძლო და ცოტა გაუშვა. ეს იმას ნიშნავს, რომ შეტევაში კარგები ვართ, დაცვაში კი სტაბილურები.“

„მომავალი? როგორც უკვე გითხარით, ყველაფერი დაგეგმილია.“

„მინდორი? ამ მხრივ მცირე პრობლემები იყო, მაგრამ მანჩესტერულ გრანდთან დაპირისპირებამდე ყველაფერი მოწესრიგდება.“