ედუარდო კამავინგამ მადრიდის „რეალში“ მიმდინარე მოვლენებსა და კუმირებზე ისაუბრა...

„წარმოიდგინეთ, ხვდებით მსოფლიოს საუკეთესო კლუბში და კონტრაქტს აწერთ ხელს. არ იქნებით ბედნიერი? რა თქმა უნდა დიახ. მე ვარ ძალიან იღბლიანი და ბედნიერი ადამიანი, რადგან „მერენგების“ სადარაჯოზე ვდგავარ.“

„ვარჯიშებზე მოდრიჩისგან და კროოსისგან ძალიან ბევრი რამის სწავლა შეიძლება, მათთან სულ ვსაუბრობ.“

„კლარენს ზეედორფისა და ფერნანდო რედონდოს თამაშის ჩანაწერებს ხშირად ვუყურებ, ისინი საოცარი ნახევარმცველები იყნვნენ, რომლებსაც განსაკუთრებული მანევრი ჰქონდათ.“

„როდესაც „ბლანკოსმა“ კონტრაქტი შემომთავაზა, ბევრი ფიქრის დრო არც მქონია, მაგრამ მაშინვე სერიოზულად მივუდექი საქმეს, მხოლოდ ზეიმით ფონს ვერ გავიდოდი.“

„ჩემპიონთა ლიგაზე შარშან განვითარებული მოვლენები ისტორიას დარჩა, მაგრამ ის, რაც ახლა ხდება აწმყოა. ჩვენ ვიამაყებთ წარსულით, მაგრამ აწმყოსა და მომავალში მხოლოდ წარსულზე ფიქრი ვერ დაგვეხმარება. საჭიროა სრული კონცენტრირება და მანჩესტერ „სიტის“ ბარიერის გადალახვა, ყველაფერი უნდა გავაკეთოთ ფინალში გასასვლელად და შემდეგ თურქეთში გასამარჯვებლად.“