„მარკას“ ცნობით, ვიგოელი გაბრი ვეიგა მადრიდის „რეალის“ რადარზე აღარ არის...

გამომდინარე იქედან, რომ კროოსი და მოდრიჩი მომდევნო სეზონში კლუბში რჩებიან, ასევე ახლოს არის ჯუდ ბელინგემის ტრანსფერიც, ფლორენტინო პერესი ვეიგას ადგილს „ბლანკოსის“ რიგებში ვერ ხედავს.

სამეფო კლუბი ახალგაზრდა ნახევარმცველს მხოლოდ იმ შემთხვევაში დაუბრუნდება, თუ ის მომდევნო სეზონშიც „სელტას“ რიგებში დარჩება და კლუბს არ შეიცვლის.

ვეიგა დღეს ბერნაბეუზე იასპარეზებს, მაგრამ მადრიდელთა მხრიდან მის მიმართ განსაკუთრებული ყურადღების გამოჩენა დღის წესრიგში არ დგას.