სამეფო კლუბის ფეხბურთელებმა ფინალური ვარჯიში გამართეს. გუნდი „კადისთან“ დაპირისპირებისთვის მზად არის...

პირველ რიგში აღსანიშნავია, რომ სამწვრთნელო შტაბის გადაწყვეტილებით, სესიაზე არ გამოცხადებულან ვინისიუს ჟუნიორი და ტონი კროოსი. ორივე მოთამაშეს დასვენების საშუალება მიეცა, რაც იმას ნიშნავს, რომ ხვალინდელ დაპირისპირებაში მათი გამოჩენა ფაქტობრივად გამორიცხულია.

აღდგენით პროცესს აგრძელებს ფერლან მენდიც, რომლის სარეაბილიტაციო პერიოდი კიდევ 2 კვირის მანძილზე უნდა გაგრძელდეს.

დღევანდელ ვარჯიშზე კარლო ანჩელოტიმ დიდი ყურადღება დაუთმო ბურთის ფლობის კომპონენტს, ტაქტიკურ მონახაზებს, კარში დარტყმებს, პრესინგს და სტანდარტულებს.

მეკარეები გოლკიპერთან მწვრთნელად ერთად ირჯებოდნენ, შემდეგ კი გუნდს შეუერთდნენ.

შეგახსენებთ, „კადისისა“ და „ბლანკოსის“ დაპირისპირება ხვალ, 15 აპრილს, თბილისის დროით 23:00 საათზე აიღებს სტარტს.