დანი კარვახალმა „ჩელსისთან“ მატჩის შემდეგ განაცხადა, რომ წინ კიდევ 90 წუთია...

„ჩვენ გავიმარჯვეთ და ამას ვიმსახურებდით კიდეც. „რეალის“ ყველა ფეხბურთელი მოწოდების სიმაღლეზე იდგა.“

„2:0 ნამდვილად კომფორტული ანგარიშია, რომელიც თავდაჯერებულობას მოგცემს, თუმცა ყველაფერი ინგლისში გადაწყდება.“

„საკმაოდ გამოცდილი ვარ და მსგავსი ტიპის დაპირისპირებებში ყურადღების მოდუნება არ შეიძლება. ჩვენ ლონდონში კვლავ მოსაგებად უნდა ჩავიდეთ.“

„ვინისიუსი და ბენზემა ბრწყინვალე ფეხბურთს თამაშობენ, მიხარია, რომ პირველი გოლის გატანაში მათთან ერთად დიდი წვლილის შეტანა შევძელი.“

„როდრიგოს თამაშის ხარისხი მაოცებს, ის როგორც ბურთით, ასევე ბურთის გარეშე კარგად მანევრირებს.“

„ლამპარდის გუნდში არაერთი ტოპ ვარსკვლავი ირიცხება, ამიტომ „სტემფორდ ბრიჯზე“ უფრო რთულ ბრძოლას ველი, ჩვენ ბოლომდე ვიბრძოლებთ ნახევარფინალში მოსახვედრად.“