სამეფო კლუბის გოლეადორისათვის განვლილი მატჩი საიუბილეო გამოდგა.

ევროპის ყველაზე პრესტიჟულ საკლუბო ტურნირზე კარიმ ბენზემამ 130-ედ მოირგო „ბლანკოსის“ მაისური. ამ მაჩვენებლით, „რეალის“ ისტორიაში, ფრანგი მხოლოდ რაულ გონსალესსა და იკერ კასილიასს ჩამორჩება, რომლებიც, შესაბამისად, 132 და 150 შეხვედრას მოითვლიან.

ჩემპიონთა ლიგაზე ბენზემას დებიუტი (მადრიდისტას რანგში) 2009 წელს შედგა. მას შემდეგ, უკვე 14 სეზონის განმავლობაში, „ცხრიანი“ შესანიშნავად გამოიყურება კონტინენტის პირველობაზე, სადაც უკვე 78 გოლი დაუგროვდა და „ბლანკოსის“ მასშტაბით, მხოლოდ რონალდუ დგას მასზე წინ.