მიუხედავად იმისა, რომ ბრაჰიმ დიასი მადრიდის „რეალის“ საკუთრებაა, წინახაზელს „მილანში“ დარჩენა სურს...

იტალიური გამოცემების ცნობით, დიასმა „როსონერის“ ხელმძღვანელობას განუცხადა, რომ იტალიაში ბედნიერია და „რეალში“ დაბრუნება მის გეგმებში არ შედის.

ბრაჰიმი ვალდებულია ზაფხულში „მერენგების“ რიგებს დაუბრუნდეს, მაგრამ აქ მთავარი სწორედ „მილანის“ ხელმძღვანელობა იქნება, რომელმაც ფლორენტინო პერესი შესაბამისი სატრანსფერო წინადადებით უნდა მოხიბლოს.

დიასის აზრით, ის „მილანში“ კარგად ვითარდება და ადგილს ესპანეთის ნაკრებშიც დაიმკვიდრებს, რაც 2024 წლის ევროპის ჩემპიონატზე წასვლაშიც დაეხმარება.