მიუხედავად იმისა, რომ დავიდე ანჩელოტის არაერთხეულ დაუფიქსირებია „რეალის“ მიმართ სიყვარული და სურვილი იმისა, რომ კარლო ანჩელოტის მმართველობის დროს, მუდმივად მის გვერდით ყოფილიყო, ახლა ვითარება შეცვლილია...

ესპანური და შვეიცარული გამოცემების ცნობით, დავიდე ანჩელოტიმ სიტყვიერ შეთანხმებას უკვე მიაღწია „ბაზელთან“ და მომდევნო სეზონიდან ძალიან მაღალი ალბათობით სწორედ ამ კლუბს ჩაუდგება სათავეში.

დავიდეს აზრით, მოვიდა დრო, მან მთავარი მწვრთნელის პოსტი მოირგოს და ასისტენტის ჩრდილიდან გამოვიდეს.

დავიდეს ზურგს უკვე ათწლოვანი გამოცდილება უმაგრებს, მან იმუშავა ის გუნდებში, როგორებიც „პსჟ“, „ბაიერნი“, „ნაპოლი“, „ევერტონი“ და „რეალი“ არიან, სწორედ ამიტომ კარიერაში ახლა ახალი ნაბიჯის დროა.