მიუხედავად იმისა, რომ კარიმ ბენზემასთვის მიმდინარე სეზონი ისეთივე ნაყოფიერი არ არის, როგორიც შარშან იყო, ფრანგმა 25 გოლის გატანა უკვე მოასწრო...

8 დაზიანება, რომელიც წინახაზელმა ამ სეზონში მიიღო, მოთამაშეს სრულფასოვნად მომზადების საშუალებას არ აძლევდა, ახლა კი ჯერ-ჯერობით ყველაფერი წესრიგშია.

სანაკრებო შესვენების შემდეგ, მოედანზე სულ სხვა ბენზემას ვხედავთ, რომელმაც ჯერ „ვალიადოლიდი“ ააწიოკა, შემდეგ კი „ბარსელონა“.

31 დაპირისპირებაში კარიმმა 25 გოლი გაიტანა, ასევე აღსანიშნავია, რომ მის აქტივში 6 საგოლე გადაცემაც არის.

25 გოლიდან უმრავლესობა (14 გოლი) ლა ლიგაზე მოდის, დანარჩენი კი სხვა ტურნირებზე. ამ მაჩვენებლით ბენზემა „ბლანკოსში“ საუკეთესოა, მეორე პოზიციას კი ვინისიუს ჟუნიორი იკავებს, რომელიც 20 გატანილი გოლით იწონებს თავს.