ესპანური გამოცემების ცნობით, დიდია შანსი იმისა, რომ ტონი კროოსმა სამეფო კლუბის რიგები მართლაც დატოვოს და კარიერა დაასრულოს...

გერმანელი ნახევარმცველი შეთავაზებაზე საბოლოო პასუხისგან ჯერ-ჯერობთ ისევ თავს იკავებს, რაც სამეფო კლუბის გაღიზიანებას იწვევს.

მადრიდში თვლიან, რომ კროოსს არსებული გარემოებების გაანალიზება უნდა შეეძლოს, თუ ის კოლექტივს დაემშვიდობება, „ბლანკოსმა“ მისი შემცვლელის შესახებ ფიქრი უნდა დაიწყოს, ამას კი დრო სჭირდება.

არსებული ცნობებით, „რეალმა“ გერმანელს კიდევ ერთხელ მოუწოდა, რომ საბოლოო გადაწყვეტილება დროულად მიიღოს.

3-4 კვირის წინ ვრცელდებოდა ინფორმაცია, რომლის მიხედვითაც, პერესმა კროოსს დრო აპრილის ბოლომდე მისცა. თუ ამ დროისთვის გადაწყვეტილება კვლავ ბუნდოვანი იქნება, „რეალი“ ჩათვლის, რომ მოლაპარაკებები დასრულებულია.