ლუკა მოდრიჩი „ვალიადოლიდთან“ დაპირისპირებაში სათადარიგო სკამიდან არ ამდგარა...

კარლო ანჩელოტიმ ხორვატი ფეხბურთელი „ბარსელონასთან“ დაპირისპირებისთვის შეინახა, რომელიც 5 აპრილს უნდა შედგეს.

ასევე დაისვენა ფედერიკო ვალვერდემაც, რომელმაც ურუგვაის ნაკრებში დიდი დატვირთვა მიიღო და მრავალსაათიანი ფრენებიც მოუწია. ფედე გახლდათ ფეხბურთელი, რომელიც ანჩელოტის განკარგულებაში ყველაზე ბოლოს დაბრუნდა.

„ელ კლასიკოს“ როგორც ვალვერდე, ასევე ლუკიტა დასვენებულები ხვდებიან, ტონი კროოსმა კი „ვალიადოლიდთან“ 90 წუთი გაატარა მოედანზე, რაც იმას ნიშნავს, რომ ის „ნოუ კამოზე“ საწყისი წუთებიდან შესაძლოა არ ვიხილოთ.