კარიმ ბენზემამ „ვალიადოლიდთან“ მატჩის შემდეგ კომენტარი გააკეთა...

„ყველა ბედნიერია, რადგან შესანიშნავი თამაში გამოდგა. პირველ წუთებში „ვალიადოლიდი“ აგრესიულ ფეხბურთს გვთავაზობდა, მაგრამ მალევე ყველაფერი შეიცვალა.“

„აღსანიშნავია, რომ მეტოქე დაცვაში 5 ფეხბურთელის გამოყენებას ცდილოდა, რაც სივრცეებს მაქსიმალურად გვიკეტავდა, თუმცა ვინისიუსის, როდრიგოსა და ასენსიოს საოცარმა და პროდუქტიულმა თამაშმა გოლების გატანის საშუალება მომცა.“

„ჰეთ-თრიკი? ნებისმიერი ფორვარდისთვის ერთ მატჩში 3 გოლის გატანა საამაყოა.“

„ჩვენ გვჯერა საკუთარი შესაძლებლობების და ვიცით, რომ ნებისმიერი გამოწვევის დაძლევა შეგვიძლია. ლა ლიგაში ბოლომდე ვიბრძოლებთ, თუმცა ვიაზრებთ სხვაობას, რომელიც „ბარსელონასთან“ გვაქვს. „ნოუ კამპზე“ ვიზიტის წინ კატალონიელებს აუცილებლად ვეტყოდი, რომ სამეფო თასზე სულ სხვა სიტუაციაა და „რეალი“ მათ არენაზე საუკეთესო ფეხბურთის თამაშს აპირებს.“

„ფიზიკურად თავს კარგად ვგრძნობ, გასული დღეები მაქსიმალურად გამოვიყენე, დავისვენე და კუნთების გაძლიერებას დიდი დრო დავუთმე.“