ესპანური გამოცემების ცნობით, თუ მადრიდის „რეალი“ „ბარსელონასთან“ ზედიზედ მეოთხე „ელ კლასიკოს“ წააგებს, ფლორენტინო პერესი კარლო ანჩელოტის განაჩენს გამოუტანს...

მადრიდელები კარლოს ამხელა ფიასკოს არ აპატიებენ და მისი გაშვება უკვე 100%-ით იქნება გადაწყვეტილი.

გამომდინარე იქედან, რომ „ბლანკოსი“ ჩემპიონთა ლიგაზე ასპარეზობს, გაშვების გადაწყვეტილება უმალვე არ იქნება მიღებული, თუმცა სეზონის ბოლოს იტალიელ სპეციალისტს აუცილებლად მოუწევს ღია კარში გასვლა.

„მარკას“ ცნობით, სამეფო თასის ფინალში გასვლის მნიშვნელობას „ბლანკოსის“ ფეხბურთელები კარგად ხვდებიან და 5 აპრილის მატჩზე განსაკუთრებულ ყურადღებას ამახვილებენ.