ჩავი ერნანდესმა „ელჩესთან“ გამარჯვების შემდეგ პრესკონფერენცია გამართა, სადაც მოახლოვებულ „ელ კლასიკოზე“ ისაუბრა...

„შეგრძნებები შესანიშნავია. გუნდმა 4 გოლი გაიტანა და საკუთარი კარი მშრალად შეინახა. ახლა 15 ქულით ვართ წინ, თუმცა „რეალის“ დაპირისპირებას დაველოდებით.“

„ხვალიდან „ბარსელონა“ „ლა კოპას“ ნახევარფინალის მეორე დაპირისპირებისთვის მზადებას დაიწყებს. ჩვენ ყველაფერი გვაქვს იმისთვის, რომ ფინალში გავიდეთ და ამისთვის ვიბრძოლებთ.“

„თამამად შემიძლია ვთქვა, რომ „ბლაუგრანა“ „ელ კლასიკოს“ ძალიან კარგ ფიზიკურ კონდიციასა და განწყობაზე ხვდება. ჩვენ მხოლოდ გამარჯვებაზე ვფიქრობთ.“

„ლა ლიგის ჩემპიონობა? თუ ამ ტიტულს დავთმობთ, მხოლოდ ჩვენი ბრალი იქნება. ნაბიჯ-ნაბიჯ უნდა ვიაროთ წინ.“