ესპანური და ფრანგული გამოცემების ცნობით, კილიან მბაპემ „პსჟ“-ს კონტრაქტის გახანგრძლივებაზე კიდევ ერთხელ უთხრა უარი და ღიად დაუფიქსირა, რომ „რეალში“ გადასვლა მისი ოცნებაა...

პარიზელებმა უკვე იციან, რომ მბაპესთან საუბარს აზრი აღარ აქვს და დგება დრო, როდესაც ფრანგი საფრანგეთის ლიგას დატოვებს.

თავის მხრივ, ალ ჰელაიფის წარმომადგენლობამ მესისთან შეთანხმებას მიაღწია, რომლის მიხედვითაც, ლეო მომდევნო სეზონშიც პარიზელთა სადარაჯოზე დარჩება და სასურველი კონდიციის შენარჩუნების შემთხვევაში ხელშეკრულების გახანგრძლივების პერსპექტივაც იარსებებს.

არსებული ინფორმაციით, 2023 წლის ზაფხულში „პსჟ“ რამდენიმე მნიშვნელოვან ცვლილებას გეგმავს, რომელიც შემადგენლობას შეეხება.