ზინედინ ზიდანის მადრიდის „რეალში“ დაბრუნების საკითხი კვლავაც დგას დღის წესრიგში. მადრიდული გამოცემების ცნობით, ლეგენდას „ზღვაში მესამედ შესვლის“ არ ეშინია, თუმცა სატრანსფერო მოთხოვნები აქვს...

თუ ზიდანი დაინიშნება, „ბლანკოსმა“ ყველაფერი უნდა იღონოს კილიან მბაპეს შესაძენად, ვინაიდან შეტევის ახალ ხაზი სწორედ ლოტინზე უნდა აეწყოს, ასევე სასიცოცხლოდ მნიშვნელოვანი იქნება ჯუდ ბელინგემის დამატება.

ამასთან ერთად ზიდანი „მილანის“ ვარსკვლავს, ტეო ერნანდესს ითხოვს და მიიჩნევს, რომ „რეალმა“ მისი გაშვებით დიდი შეცდომა გაუშვა.

ზინედინის რადარზე ასევე არის სერგეი მილინკოვიჩ-სავიჩი, რომელსაც ფრანგი სპეციალისტი მწვრთნელობის ორივე ეტაპზე ითხოვდა.

და ბოლოს, ზიდანს არ დავიწყებია რაიან ჩერკი, რომელსაც უდიდეს მომავალს უწინასწარმეტყველებენ. ზიზუს აზრით, ჩერკი მსოფლიო ფეხბურთში საკუთარ სიტყვას იტყვის. მოკლედ რომ ვთქვათ, ფლორენტინო პერესმა ზიზუს ამბიციური გეგმების შესახებ იცის, დანარჩენი კი თავად მასზე იქნება დამოკიდებული. ფრანგის დაბრუნების შესაძლებლობა მართლაც არსებობს.