ესპანური და იტალიური გამოცემების ცნობით, მადრიდის „რეალი“ ვიქტორ ოსიმენის კანდიდატურის განხილვას გეგმავს...

ბენზემას მადრიდული მომავალი ბუნდოვანი ხდება, რაც ფლორენტინო პერესს ძალიან სერიოზულად აფიქრებს.

სამეფო კლუბში დუშან ვლაჰოვიჩის, ჰარი კეინის და სხვა ფორვარდების ვარიანტებს განიხილავენ, მაგრამ როგორც ჩანს, მათ სიას „ნაპოლის“ სუპერ ვარსკვლავიც შეუერთდება.

ოსიმენი არ მალავს და ღიად აცხადებს, რომ მისი ოცნება პრემიერლიგაა, მაგრამ „რეალზე“ უარს დიდი ალბათობით ვერ იტყვის.

„მერენგებში“ ფიქრობენ, რომ ოსიმენის მოძრავი სტილი, გოლის კარგი ალღო და სხვა თვისებები, ფეხბურთელს ადაპტაციაში ძალიან გამოადგება.

„ბლანკოსი“ ქმედით ნაბიჯებს ჯერ-ჯერობით არ დგას, მაგრამ სიტუაციას გამადიდებელი შუშით აკვირდება და სერიოზულ გააქტიურებას აპირებს.

ოსიმენი ბენზემას სანაცვლოდ!