ესპანური გამოცემების ცნობით, კარიმ ბენზემამ საუდის არაბეთიდან ოფიციალური შეთავაზება მიიღო...

„რეალის“ ლეგენდარულ ფეხბურთელს 2 წლიან კონტრაქტს და განსაკუთრებულ პირობებს სთავაზობენ, რომლის მიხედვითაც, მისი ხელფასი გასამმაგდება.

აღნიშნულ ინფორმაციას ადასტურებს ხოსეპ პედრეროლიც, რომელიც საკუთარ განცხადებაში საუდის არაბეთის წარმომადგენლობის განსაკუთრებულ აქტიურობაზე მიუთითებს.

არსებული ინფორმაციით, ბენზემამ მცირე მოსაფიქრებელი დრო ითხოვა, რაც იმას ნიშნავს, რომ ფრანგი წასვლის საკითხს რეალურად განიხილავს.

თავის მხრივ, მადრიდში მზად არიან, „9“-იანს კიდევ 1 წლით გაუხანგრძლივონ ხელშეკრულება, რაც დიდი ალბათობით ბოლო კონტრაქტი იქნება.