ბოლო პერიოდის განმავლობაში ესპანურ პრესაში აქტიურად წერენ ანჩელოტის დაკავებული თანამდებობიდან გადაყენების შესახებ.

„მარკას“ ინფორმაციით, სიმართლეს არ შეესაბამება ის ფაქტი, რომ „რეალი“ შესაძლო კანდიდატებს შორის ჟოზე მოურინიოსაც განიხილავს. პორტუგალიელ დამრიგებელსა და კლუბის პრეზიდენტს შორის შესანიშნავი ურთიერთობა სუფევს, მათ ხშირად აქვთ სატელეფონო კომუნიკაცია, თუმცა მიუხედავად ამისა, „ბლანკოსი“ არ აპირებს მწვრთნელის დაბრუნებას, რომელიც 3 წლის განმავლობაში ხელმძღვანელობდა ესპანურ გრანდს.

გუნდიდან წასვლის შემდეგ, მოურინიო „რეალის“ დიდ ქომაგად რჩება. ის ხშირად აქვეყნებს მადრიდელების მხარდამჭერ პოსტებს სოციაურ ქსელში.