სამეფო კლუბის ფეხბურთელები კატალონიიდან დამწუხრებულნი ბრუნდებიან სახლში. განცდილის მარცხის შედეგად, გუნდმა, ფატობრივად, ესპანეთის ჩემპიონატის მოგების შანსი ხელიდან გაუშვა.

ანჩელოტის შეგირდებს კარგი შანსი ჰქონდათ, „ნოუ კამპზე“ მიჯრით მესამედ (ლა ლიგის მასშტაბით) მოეგოთ და გაემეორებინათ ლეგენდარული მწვრთნელს მიგელ მუნიოსის მიღწევა, რომელმაც 1962/63 და 1964/65 წლების სეზონებს შორის, ზედიზედ 3 გამარჯვება მოაპოვებინა „ბლანკოსს“ „ბარსელონას“ საშინაო არენაზე. კერძოდ, 1963 წელს მადრიდელებმა 1-5 (პუშკაშისა და დი სტეფანოს დუბლი/ხენტოს გოლი) დაამარცხეს მეტოქე, 1964 წელს 1-2 (ხენტოსა და პუშკაშის გოლები), ხოლო 1965 წელს ასევე 1-2 (პირისა და სერენას გოლები).

იტალიელმა დამრიგებელმა ვერ მოახერხა 2020 წელს დაწყებული სერიის გაგრძელება.