ზაფხულის სატრანსფერო ფანჯარაზე „რეალის“ ერთ-ერთი მთავარი პრიორიტეტი ჯუდ ბელინგემის გადაბირება იქნება.

აქამდე, ინგლისელი ფეხბურთელისათვის ბრძოლაში, მადრიდელების მთავარ მეტოქედ „ლივერპული“ ითვლებოდა, თუმცა The Athletic-ის ინფორმაციით, ნაკლებად სავარაუდოა, რომ „წითლებმა“ კონკურენციის გაწევა შეძლონ, ვინაიდან, მათ არ გააჩნიათ რესურსი, „ბორუსიას“ მიერ გამოცხადებულ აუქციონში მონაწილეობისა.

აღნიშნულის პარალელურად, „რეალს,“ ფინანსური თვალსაზრისით, საკმაოდ ძლიერი მეტოქე გამოუჩნდა „მანჩესტერ სიტის“ სახით. გვარდიოლას კლუბი ყველაფერს გააკეთებს, რათა ახალგაზრდა ნახევარცმველის დაყოლიება შეძლოს.

შეგახსენებთ, ბელინგემს გერმანულ გუნდთან 2025 წლის 30 ივნისს ეწურება მოქმედი კონტრაქტი. მიმდინარე სეზონში მის ანგარიშზეა 10 გოლი და 6 ასისტი.