განვლილი უქმეების შემდეგ, საფეხბურთო სამყაროს ყურადღება სანაკრებო ბატალიებისკენ იქნება მიმართული.

სამეფო კლუბი მომდევნო დაპირისპირებას 2 აპრილს გამართავს. პრიმერა დივიზიონის 27-ე ტურის ფარგლებში, მადრიდელები „ვალიადოლიდს“ უმასპინძლებენ.

აღსანიშნავია, რომ ანჩელოტის შემადგენლობიდან 13 ფეხბურთელია გამოძახებული სხვადასხვა ეროვნულ გუნდში: კარვახალი, ნაჩო, სებალიოსი, ვინისიუსი, როდრიგო, მილიტაო, ჩუამენი, კამავინგა, კურტუა, მოდრიჩი, ვალვერდე, ალაბა და ლუნინი.

რაც შეეხება იმ მოთამაშეებს, რომლებიც კლუბში დარჩებიან (ბენზემა, კროოსი, ასენსიო, მენდი, მარიანო, ლუკას ვასკესი, აზარი, ოდრიოსოლა, ვალეხო და რუდიგერი), ისინი ვარჯიშს ხუთშაბათს (23 მარტს) განაახლებენ, მანამდე კი, დასვენების საშუალება მიეცემათ.