„რეალ მადრიდ კასტილია“ სეზონის ყველაზე მნიშვნელოვან ეტაპს კრიზისით ხვდება. ისინი უკვე 4 ტურის განმავლობაში ვერ ახერხებენ გამარჯვების მოპოვებას.

ამჯერად, ესპანეთის PRIMERA RFEF-ის 28-ე ტურის ფარგლებში, რაულის გუნდმა „ალფრედო დი სტეფანოზე“ „მერიდას“ უმასპინძლა. მიუხედავად მასპინძლების არა ერთი მცდელობისა, 90 წუთის შემდეგ ტაბლოზე 0-0 დაფიქსირდა.

მოპოვებული 1 ქულის შედეგად, „კასტილია“ 50-ს აგროვებს და მეოთხე პოზიციაზე რჩება. მადრიდელები „დეპორტივოს,“ „ფეროლსა“ და „ალკორკონს“ ჩამორჩებიან, შესაბამისად, 1, 2 და 3 ქულით.

„რეალის“ შემადგენლობა განვლილ მატჩში: დე ლუისი, ტობიასი (ალექს ხიმენესი, 71'), რაფა მარინი, კარილიო, მარიო მარტინი, ტეო (ალვარო მარტინი, 58'), ნოელი (ნიკო პასი, 58'), არიბასი, პეტერი (იკერ ბრავო, 71'), მარველი და არანდა.

26 მარტს, ახალგაზრდა მადრიდელების „ლინენესეს“ შეერკინებიან სტუმრად.