იტალიელმა სპეციალისტმა „ენფილდზე“ დაწყებული საქმე „სანტიაგო ბერნაბეუზე“ დაასრულა და გუნდს მომდევნო ეტაპის საგზური მოუტანა.

ჩემპიონთა ლიგის მასშტაბით, კარლო ანჩელოტი უკვე 34 გამარჯვებას მოითვლის „რეალის“ მწვრთნელის რანგში. ამ მაჩვენებლით ის ლეგენდარულ ვისენტე დე ბოსკე გაუთანაბრდა და ახლა მხოლოდ მიგელ მუნიოსს ჩამორჩება. ამ უკანასკნელმა ევროსარბიელზე 41 წარატებული მატჩი ჩაატარებინა „ბლანკოსს.“

საგულისხმოა, რომ მწვრთნელი მეოთხე სეზონს ატარებს მადრიდულ გრანდში და აღნიშნულ ტურნირზე მისი მოგებათა მაჩვენებელი 73.9 პროცენტს შეადგენს, რაც საუკეთესოა კლუბში. არსებული მომენტისათვის, „ულვაშას“ მსგავსად, ანჩელოტიც ორ ტიტულს მოითვლის, ხოლო მისი საყვარელი მეტოქე „ლივერპულია,“ რომელიც „თეთრების“ თავკაცის რანგში უკვე ხუთჯერ ჰყავს ბეჭებზე დადებული.