სამეფო კლუბმა „ლივერპულის“ დამარცხება „სანტიაგო ბერნაბეუზეც“ მოახერხა. ამჯერად, მადრიდელებმა 1 უპასუხო გოლი გაუტანეს მეტოქეს.

საგულისხმოა, რომ მსაჯის საფინალო სასტვენისთანავე, სტადიონზე „მერსისაიდელების“ ჰიმნი - You never walk alone - ჩაირთო, რამაც სტუმარ გულშემატკივრებში დიდი ოვაციები გამოიწვია.

აღნიშნული ჟესტით „რეალმა“ მადლობა გადაუხადა მეტოქეს, რომელმაც „ენფილდზე“ გამართული პაექრობის წინ, სათანადო პატივი მიაგო ამანსიო ამაროს ხსოვნას.