ესპანეთის PRIMERA RFEF-ის 27-ე ტურში „რეალ მადრიდ კასტილია“ ლა კორუნიას ესტუმრა.

„რიასორზე“ გამართულ შეხვედრაში „დეპორტივომ“ მე-20 წუთზე გახსნა ანგარიში, ხოლო რაულის შეგირდებმა მე-40 წუთზე აღადგინეს წონასწორობა. სტუმართა მხრიდან თავი მარველმა გამოიჩინა. შედეგად, რაულის შეგირდები სახლში 1 ქულითა და დაკარგული პოზიციით დაბრუნდნენ.

არსებული მომენტისათვის, „კასტილია“ 49 ქულით მე-4 ადგილს ამაგრებს. ამდენივეს მოითვლის მესამე ადგილზე მყოფი „ფეროლი,“ რომელმაც განვლილ უქმეებზე ლიდერ „ალკორკონს“ სძლია. რაც შეეხება „დეპორტივოს,“ ისინი 51 ქულით იწონებენ თავს და მხოლოდ 2 ქულით ჩამორჩებიან ალკორკონელებს.

როგორც ხედავთ, ჩემპიონატის დასრულებამდე 11 ტურით ადრე, საკმაოდ დაძაბულო სიტუაცია სუფევს სატურნირო ცხრილში.

„კასტილიას“ შემადგენლობა „დეპორტივოს“ წინააღმდეგ: დე ლუისი, ტობიასი, რაფა მარინი, კარილიო, მარიო მარტინი, არიბასი, პეტერი, ალვარო მარტინი, მარველი, ალვარო და ობრადორი.

მომდევნო ტურში „კასტილია“ „მერიდას“ მიიღებს (19 მარტს) საშინაო არენაზე.