განვლილ უქმეებზე ახალგაზრდული „კოპა დელ რეის“ ფინალური დაპირისპირება გაიმართა.

ალვარო არბელოას შეგირდები მიმდინარე სეზონში აგრძელებენ დაუმარცხებელ სვლას. „რეალ მადრიდ ხუვენლ ა“-მ გადამწყვეტ შეხვედრაში 2-1 დაამარცხა „ალმერია“ და ისტორიაში მე-15 „ლა კოპა“ დაიბევა. აღსანიშნავია, რომ მე-8 წუთზე თავური დარტყმით ანგარიში პოლმა გახსნა, ხოლო 9 წუთის შემდეგ, მანუელ ანხელმა შესანიშნავი გოლი გაიტანა საჯარიმოს გარედან. მეტოქემ კი, მხოლოდ 70-ე წუთზე მოახერხა 1 ბურთის გაქვითვა.

„რეალის“ შემადგენლობა განვლილ მატჩში: დიეგო პინერიო, დავიდ ხიმენესი, ჯაკობო, მანუ სერანო, იუსეფი, ჩემა, მანუელ ანხელი (ალვარო გინესი, 88’), ნიკო პასი (კამერო, 74’), პალასიოსი (უგო დე ლანოსი, 67’), პოლი (იერაი, 67’) და გონსალო (მესონერო, 67’).