ედერ მილიტაომ „ენფილდზე“ განვითარებულ მოვლენებსა და „ლივერპულთან“ განმეორებით დაპირისპირებაზე ისაუბრა...

„როდესაც მატჩი დაიწყო, ყველაფერი ისე წარიმართა, როგორც „ლივერპულს“ სურდა, მაგრამ ეს საღამო მაგიური ჩვენთვის გამოდგა და არა ადგილობრივი კლუბისთვის. თამამად შემიძლია გითხრათ, რომ კარიერის საუკეთესო დაპირისპირება ჩავატარე, გუნდს ყველგან ვეხმარები და ჩვენ ერთობლივი ძალებით შევძელით ალისონის კარში 5 გოლის გატანა.“

„ბუნებრივია, დიდი უპირატესობა გვაქვს, ვინაიდან მეტოქეს 5 გოლი გავუტანეთ, მაგრამ ბერნაბეუზე ყველაზე 0:0-იდან იწყება და მაქსიმუმს გავიღებთ იმისთვის, რომ სასურველი შედეგი დავაფიქსიროთ. წინ 90 წუთია, სადაც ყურადღების მოდუნება არ შეიძლება. ეს იქნება შესანიშნავი დაპირისპირება ორ ისტორიულ გუნდს შორის.“

„სრულიად განსხვავებულ „ლივერპულს“ ველით. მივიჩნევთ, რომ იურგენ კლოპის კოლექტივი პირველივე წუთებიდან შეეცდება სიტუაციის შეცვლას, სწორედ ამიტომ გვაქვს დიდი გამოწვევა, რომელსაც „ენფილდზე“ დაფიქსირებული შედეგის დავიწყება და ყველაფრის სუფთა ფურცლიდანდ აწყება ჰქვია.“