ესპანური გამოცემების ცნობით, ზინედინ ზიდანის „რეალში“ დაბრუნების შემთხვევაში, სამეფო კლუბის რამდენიმე მოთამაშის სიტუაცია მნიშვნელოვნად შეიცვლება...

საყოველთაოდ ცნობილია, რომ ზიზუ დანი სებალიოსს დიდ პატივს არ სცემს და არ მიიჩნევს, რომ ის „რეალის“ დონის ფეხბურთელია.

შესაბამისად, თუ ზიზუ დაბრუნდება, სება გუნდს დატოვებს, სწორედ ამიტომ არ ახანგრძლივებს დანი გუნდთან კონტრაქტს და მოვლენების განვითარებას ელოდება.

ასევე ვრცელდება ინფორმაცია, რომლის მიხედვითაც, ზიდანი კოლექტივში არც ხესუს ვალიეხოს დაიტოვებს, ნაჩოსთან დაკავშირებით კი მკაფიო აზრი აქვს და მიიჩნევს, რომ ის გუნდში უნდა დარჩეს. იგივეს თქმა შეიძლება ვასკესზეც, ფრანგის აზრით, ლუკასი ძალიან საჭირო ფიგურაა.