ბრაზილიელ ფეხბურთელს გამადიდებელი შუშით აკვირდებიან, როგორც მეტოქეები, ასევე პრესის წარმომადგენლები.

მიმდინარე სეზონში ვინისიუსის წინააღმდეგ 135-ჯერ დაჯარიმდნენ, რაც უკონკურენტო მაჩვენებელია ევროპის ტოპ 5 ლიგაში. აღნიშნულ რეიტინგში მეორე ადგილს „ლაციოს“ მოთამაშე ზაკანი იკავებს (93), ხოლო მესამეს ნეიმარი (90).

„რეალის“ შემტევის ორმაგი სტანდარტი იმაში მდგომარეობს, რომ თვითონაც არცთუ ისე იშვიათად სცოდავს. მან „ბეტისთან“ შეხვედრაში რიგით მე-11 ყვითელი ბარათი მიიღო (წლეულს) და ამ მაჩვენებლით, მხოლოდ ანდრიხსა (ლევერკუზენი) და ვერატის ჩამორჩება, რომლებიც 12-12 გაფრთხილებას მოითვლიან. სტატისტიკის მიხედვით, ვინი, საშუალოდ, ყოველ 2.8 მატჩში ერთხელ „საჩუქრდება“ მსაჯისგან (აქედან, ოთხჯერ პროტესტის, ხოლო სამჯერ მეტოქესთან დაპირისპირების გამო დაისაჯა).

„მარკას“ ცნობით, „ოციანი“ კარგად აანალიზებს მის ირგვლივ შექმნილ სიტუაციას და ხვდება, რომ უნდა ისწვალოს სიმშვიდის შენარჩუნება და მიუხედავად განვითარებული მოვლენებისა, არ უნდა აჰყვეს პროვოკაციებს.

სამხრეთ ამერიკელი მოთამაშე სტუმრად ჩატარებული მატჩების მიმდინარეობისას ხშირად ხდება რასისზმის მსხვერპლი, რის გამოც გულშემატკივრებთან კონფლიქტში უწევს შესვლა. მას ყველანაირი პირობა აქვს, ესპანეთიდან ბევრად კომფორტულ სიტუაციაში გადაბაგრდეს და ყოველგვარი თავდასხმების გარეშე გააგრძელოს ფეხბურთის თამაში, თუმცა ვინის ძალიან უყვარს მადრიდის „რეალი“ და მისი მიზანია დიდი წარმატებებს მიაღწიოს ამ კლუბის მაისურით.