ალვარო არბელოას შეგირდები დაუმარცხებელ კურსს აგრძელებენ.

ახალგაზრდული „კოპა დელ რეის“ ნახევარფინალურ მატჩში, „რეინო დე ლეონის“ სტადიონზე, „რეალ მადრიდ ხუვენილ ა“-მ 2 უპასუხო გოლი გაუტანა „ატლეტიკს“ და ფინალური შეხვედრის საგზური დაიბევა, სადაც 11 მარტს, „ალმერიას“ შეერკინება. „თეთრებმა“ ანგარიში ნიკო პასის გოლის წყალობით მე-60 წუთზე გახსნეს, ხოლო 81-ე წუთზე, ბილბაოელებმა საკუთარ კარში ჩაჭრეს ბურთი.

„ხუვენილ ა“-ს შემადგენლობა განვლილ შეხვედრაში: პინიეირო, დავიდ ხიმენესი, იუსეფი, ჯაკობო, მანუ სერანო, ჩემა, გონსალო (გინესი, 86'), მანუელ ანხელი, პოლი (მესონერო, 86'), პალასიოსი (იერაი, 74') და ნიკო პასი (უგო დე ლანოსი, 74').

„ლა კოპას“ ფინალი 19:30 საათზე (თბილისის დროით) აიღებს სტარტს.