ლუკა მოდრიჩმა „რეალ ბეტისთან“ დაპირისპირება დიკსვალიფიკაციის გამო გამოტოვა. ის მოედანს „ესპანიოლთან“ მატჩში დაუბრუნდება.

როგორც იცით, 37 წლის ნახევარმცველს 30 ივნისს ეწურება კლუბთან მოქმედი კონტრაქტი და ამ დრომდე უცნობია, რაზე შეთანხმდებიან მხარეები.

ჟურნალისტ სანტი აუნას (Foot Mercato) ინფორმაციით, არსებული მომენტისათვის, ხორვატი ნახევარმცველი უფრო ახლოს არის გუნდის დატოვებასთან, ვიდრე პირიქით, ვინაიდან „სანტიაგო ბერნაბეუზე“ უკმაყოფილონი არიან მისი ბოლო დროინდელი უშედეგო ასპარეზობით. ხელმძღვანელობა მხოლოდ იმ შემთხვევაში გააგრძელებს მასთან თანამშრომლობას, თუ დარწმუნდება, რომ მოთამაშეს მომდევნო სეზონშიც შეეძლება სარგებლის მოტანა.

პარალელურად, მოდრიჩის დამატების სურვილს გამოთქვამს კრიშტიანუ რონალდუს „ალ ნასრი.“