სამეფო კლუბის ყოფილი დამრიგებელი შვეიცარიულ გუნდში იმუშავებს.

დავიდ ბეტონი, რომელიც 2016-2018 და 2019-2021 წლებში ზინედინ ზიდანის თანაშემწის პოსტს იკავებდა, „სიონის“ მესაჭედ დაინიშნა. 51 წლის სპეციალისტი კარიერის განმავლობაში პირველად მოირგებს მთავარი მწვრთნელის ფუნქციებს.

აღსანიშნავია, რომ ბეტონი საკმაოდ რთულ გამოწვევას შეეჭიდა, ვინაიდან 10 გუნდიან ჩემპიონატში, სიონელები მე-9 პოზიციას იკავებენ.

წარმატებებს ვუსურვებთ დავიდს, რომელმაც ზედიზედ მოგებულ 3 ჩემპიონთა ლიგაში თავისი წვლილი შეიტანა.