სებალიოსს მშობლიური გუნდის ქომაგები სტვენით შეხვდნენ
სანიელ სებალიოსმა მშობლიური გუნდის წინააღმდეგ მორიგი მატჩი ჩაატარა.
„რეალის“ ახალგაზრდა ნახევარმცველი „ბეტისთან“ შეხვედრაში 63-ე წუთიდან ჩაერთო საქმეში და რაც არ უნდა გასაკვირი იყოს, მოედანზე მის გამოჩენას გამაყრუებელი სტვენა მოჰყვა ტრიბუნებიდან. „ბენიტო ვილიამარინის“ პუბლიკა იგივეს იმეორებდა, როდესაც სებალიოსთან მიდიოდა ბურთი.
აღსანიშნავია, რომ დანიელს ერთ-ერთ ეპიზოდში გოლის გატანაც შეეძლო, თუმცა მისი დარტყმული მცირედით აცდა ბრავოს კარს. ფეხბურთელმა ნამატჩევს კომენტარი გააკეთა.
„რა თქმა უნდა, მოდუნების უფლება არ გვაქვს. სანაკრებო პაუზამდა 3 შეხვედრა უნდა ჩავატაროთ. შაბათს, მეტად მნიშვნელოვანი პაექრობა გველოდება „ესპანიოლთან, შემდეგ ჩემპიონთა ლიგაზე, სადაც დასრულებულია არაფერია, ხოლო ბოლოს „ბარსელონასთან.““
„სატურნირო ცხრილში გარკვეული ქულებით ჩამოვრჩებით ლიდერს, თუმცა ბოლომდე ბრძოლა ამ გუნდის დნმ-ის შემადგენელი ნაწილია.“
„ამ სტადიონზე ასპარეზობა ყველაზე შესანიშნავი რამ არის, რაც ჩემს საფეხბურთო ცხოვრებაში მომხდარა. ვიმედოვნებ, აქ დავბრუნდები და კვლავ შევაყვარებ თავს ქომაგებს.“
„ვფიქრობ, თავის გამოჩენის კარგი შანსი მქონდა, მაგრამ შესაბამის მზადყოფნაში არ ვიყავი, როდესაც ბურთი მივიღე. აქედან გამომდინარე დარტყმა არ გამომივიდა ზუსტი.“
„მსაჯის საფინალო სასტვენამდე ვცდილობით გოლის გატანას, თუმცა არ გამოგვივიდა.“
- 6 მარტი 2023
- 465
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
