სამეფო კლუბთან საპასუხო მატჩამდე 10 დღით ადრე, „ლივერპულმა“ ისტორიული გამარჯვება მოიპოვა „ენფილდზე.“

პრემიერ ლიგის 25-ე ტურის ფარგლებში, კლოპის შეგირდებმა „მანჩესტერ იუნაიტედს“ უმასპინძლეს და 7-0 გაანადგურეს. გაკპომ, სალაჰმა და ნუნიესმა დუბლების გაფორმება შეძლეს, ხოლო შეხვედრაში საბოლოო წერტილი ფირმინომ დასვა.

ინგლისის ჩემპიონატის სატურნირო ცხრილში „ლივერპული“ მე-5 პოზიციასა და 42 ქულას მოითვლის. ისინი 3 ქულით ჩამორჩებიან ჩემპიონთა ლიგის ზონას.

შეგახსენებთ, რომ ევროპის ყველაზე პრესტიჟული საკლუბო ტურნირის მერვედფინალის განმეორებითი შერკინება 16 მარტს, „სანტიაგო ბერნაბეუზე“ გაიმართება. ბრიტანელების წინაშე საკმაოდ რთული ამოცანა დგას, ვინაიდან პირველი პაექრობა 2-5 წააგეს „ბლანკოსთან.“