მანუელ პელეგრინი „რეალ ბეტისის“ თავკაცის რანგში ყოფილ კლუბს დაუპირისპირდება.

ჩილელი სპეციალისტი სამეფო კლუბს მოურინიოს მისვლამდე, 2009/10 წ.წ. სეზონში წვრთნიდა და საინტერესოა, რომ გუნდის ისტორიაში მოგებათა საუკეთესო პროცენტი აქვს - 75% (ანჩელოტის 73% და მოურინიოს 70%), თუმცა მიუხედავად ამისა, მან „ბლანკოსი“ ოქროს მედლამდე ვერ მიიყვანა.

დღევანდელი პაექრობა სამხრეთ ამერიკელი დამრიგებლისათვის მე-100 იქნება სევილიური გუნდის სათავეში. სტატისტიკა კი შემდეგნაირია: 48 გამარჯვება, 22 ფრე და 29 მარცხი. პელეგრინიმ განვლილ სეზონში „ბეტისს“ „კოპა დელ რეის“ ტიტული დააბევებინა.

აღსანიშნავია, რომ სხვა კოლექტივის მწვრთნელის რანგში პელეგირინი 25-ედ შეერკინება „რეალს.“ განვლილი 24 მატჩიდან მან მხოლოდ 3-ჯერ მოახერხა (2 „ვილიარეალის“ და 1 „მალაგას“ შემადგენლობიდან) დედაქალაქელების ძლევა, ხოლო 13 შემთხვევაში გამარჯვება „თეთრებს“ დარჩათ.