ემილიო ბუტრაგენიომ „ელ კლასიკოს“ შემდეგ კომენტარი გააკეთა...

„დიახ, ეს ორ რაუნდიანი ბრძოლაა, მაგრამ ჩვენ ვერ მივაღწიეთ შედეგს, რომელსაც მიზნად ვისახავდით. ვფიქრობ, ეს არის დასაფიქსრებელი მარცხი და ფეხბურთელებს მეტი აქტივობა მართებთ. „ბარსელონას“ ნამდვილად არ ჰყოლია ოპტიმალური შემადგენლობა და პრაგმატული ფეხბურთის თამაში გადაწყვიტა.“

„„ბარსელონამ“ დიდ ზეწოლას გაუძლო და საბოლოო ჯამში გამარჯვებას მიაღწია. მეორე ტაიმში აბსოლუტური დომინაცია გვქონდა, თუმცა ამაოდ.“

„ჩავის გუნდი დაცვაში ძალიან ეფექტურია. ამ კოლექტივმა უკანა ხაზში სწორი თამაში ისწავლა და სტილიც შეცვალა. ფაქტი ის არის, რომ „ბლაუგრანელებმა“ დაცვაში არცერთი შეცდომა არ დაუშვეს.“

„ფეხბურთელებმა დიდი ძალისხმევა გაიღეს, თუმცა შედეგს ვერ მიაღწიეს. მეორე დაპირისპირებაში გაცილებით მეტი აქტიურობა და ბოლომდე ბრძოლა გვმართებს. „რეალს“ დანებება არ სჩვევია, შესაბამისად, კატალონიას ოპტიმისტური განწყობით ვეწვევით.“

„„ელ კლასიკოში“ ყველაფრის ბედს დეტალები წყვეტს. ქაღალდზე ფავორიტი არ არსებობს. დიახ, „ბარსელონა“ წინ არის, ვინაიდან პირველი მატჩი მოიგო, მაგრამ ჩვენ გვჯერა ჩვენი შესაძლებლობების.“