ჩავი ერნანდესმა მადრიდის „რეალთან“ დაპირისპირების წინ პრესკონფერენცია გამართა...

„არ უნდა დავივიწყოთ, რომ მადრიდის „რეალი“ ლა ლიგის და ჩემპიონთა ლიგის მოქმედი გამარჯვებულია და ამ სეზონშიც არაერთხელ აჩვენა საკუთარი ძალა. ჩვენ დიდი დანაკლისი გვაქვს, სწორედ ამიტომ „ბლანკოსს“ აბსოლუტურ ფავორიტად მივიჩნევ. მოდით, ვაღიაროთ, რომ ამ დაპირისპირებას ანჩელოტის კოლექტივი გაცილებით უკეთეს მდგომარეობაში ხვდება.“

„ჩვენ ესპანეთის სუპერთასის გამარჯვებულის სტატუსი გვაქვს, მაგრამ ეს გადამწყვეტი არ არის.“

„მიხარია, რომ ფატი ხელმისაწვდომი იქნება, მას პრობლემები არ აქვს და ვფიქრობ, გადამწყვეტი როლის თამაშიც შეუძლია. ანსუზე ბევრი რამ იქნება დამოკიდებული.“

„ფერან ტორესი ძალიან ნიჭიერია, მას საკმაოდ დიდი გამოცდილება დაუგროვდა და „ბლანკოსის“ წინააღმდეგაც შესანიშნავად ითამაშა. ვფიქრობ, ფერანმა „მერენგებთან“ დიდი დახმარება უნდა გაგვიწიოს.“

„სამეფო კლუბთან რამდენჯერმე მოგვიწევს ასპარეზობა. ვიმედოვნებ, მეორე „ელ კლასიკომდე“ ფეხბურთელები გამოჯანმრთელებას მოახერხებენ.“

„პედრისთან ერთად მრავალფეროვნებას ვქმნით. მისი დაბრუნების შემდეგ ჩვენი რესურსი გაიზრდება.“

„თუ „რეალთან“ გამარჯვება გვსურს ყველაზე დიდი გუნდურობა უნდა ვაჩვენოთ. ბერნაბეუზე თამაში ჩვენთვის დიდი მოტივაციაა და ვიცით, რომ ურთულესი ამოცანის წინაშე ვდგავართ. ვფიქრობ, თუ შეცდომებს დავუშვებთ ვალვერდეს, ბენზემას და ვინისიუს ჟუნიორის ჩვენი დასჯა შეეძლებათ.“

„ვინისიუსის მიმართ ძალიან დიდი ყურადღების გამოჩენა გვმართებს, ის მრავალმხრივია და იცის, როგორ ითამაშოს დიდი გუნდების წინააღმდეგ.“

„რა თქმა უნდა, მაქვს არაუხოს იმედი. ის მსოფლიოში ერთ-ერთი ყველაზე ჭკვიანი უკანახაზელია.“