„ბლანკოსის“ განვლილ ვარჯიშზე სასიამოვნო ფაქტი დაფიქსირდა.

იტალიელმა სპეციალისტმა მთავარ შემადგენლობასთან ერთად მუშაობის საშუალება მისცა ზინედინ ზიდანის მეოთხე ვაჟს, ელიაზს, რომელიც „რეალ მადრიდ ხუველინ ბ“-სა და საფრანგეთის 17 წლამდელთა ნაკრების წევრია.

უმცორის ზიდანი საკმაოდ ტანმაღალი (1.94 მ.) ფეხბურთელია და დაცვის მარცხე ფრთაზე ასპარეზობს, თუმცა ხშირად, აღნაგობიდან გამომდინარე, ცენტრალური მცველის ამპლუის მორგებაც უწევს.

აღსანიშნავია, რომ ის მსოფლიოს ჩემპიონატის მიმდინარეობის დროსაც გამოჩნდა ანჩელოტის განაკრგულებაში, მაგრამ მაშინ, „თეთრებს“ განახევრებული შემადგენლობით უწევდათ სესიების ჩატარება.

ინფორმაციისათვის, ლეგენდარული ფეხბურთელის ოთხივე შვილმა პირველი საფეხბურთო ნაბიჯები სწორედ „რეალის“ აკადემიაში გადადგა. ენცო და ლუკა უკვე სხვა კლუბის ღირსებას იცავენ (შესაბამისად, „ფუენლაბრადა“ და „ეიბარი“), ხოლო ტეო კი, „კასტილიას“ მოთამაშეა.