ბელგიელი ფეხბურთელისათვის 2023 წელი უფრო კოშმარულად დაიწყო, ვიდრე ამის მოლოდინი არსებობდა.

უკანასკნელად ედენ აზარი 3 იანვარს, ქვედალიგელ „კასერენიოსთან“ მატჩში იხილეს მოედანზე გულშემატკივრებმა. მას შემდეგ, „რეალმა“ 15 პაექრობა ჩაატარა, თუმცა „შვიდიანის“ ადგილი ანჩელოტის გეგმებში არ მოიძებნა. მართალია, გარკვეული პერიოდი ფეხბურთელის ტრავმის გამო გაუცდა, თუმცა ფაქტი ერთია, იტალიელი დამრიგებელს მის მიმართ საერთოდ აღარ გააჩნია ნდობა.

მადრიდულ დერბიში, როდესაც გუნდს შეტევის გაძლიერება ესაჭიროებოდა, მწვრთნელმა საქმეში 18 წლის ფორვარდი ჩართო, რომელმაც შემდეგ 1 ქულა დაუბევა გუნდს, ხოლო აზარი კი, ამ ყველაფერს სათადარიგოდან ადევნებდა თვალს.

ნაკლებად სავარაუდოა, რომ „რეალის“ კალენდრიდან გამომდინარე, აზარს მომდევნო შეხვედრებში მიეცეს სათამაშო წუთები. დიდი ალბათობით, მხოლოდ უკიდურეს შემთხვევაში იასპარეზებს ის.

კლუბის ისტორიაში ყველაზე ძვირადღირებული ტრანსფერი, ზაფხულში, კონტრაქტის ვადის ამოწურვამდე 1 წლით ადრე დატოვებს ესპანეთის დედაქალაქს.